Асқазан қатерлі ісігі бар науқастарда Lauren классификациясының болжамдық мәні және өмір сүру талдауы
DOI:
https://doi.org/10.52532/2521-6414-2025-2-76-455Кілт сөздер:
асқазан обыры, Лаурен классификациясы, жалпы өмір сүру, болжамАңдатпа
Өзектілігі: Асқазан обырын диагностикалау үшін қолданылатын көптеген патогистологиялық классификациялық жүйелер бар. Бірқатар зерттеулерде асқазан рагының патогистологиялық сипаттамалары мен науқастардың әртүрлі аспектілері, сондай-ақ аурудың ағымына және оның болжамына әсер ететін факторлар арасындағы өзара байланыс зерттелді. Lauren жіктеу жүйесі асқазан ісіктерінің клиникалық, гистологиялық және молекулалық сипаттамаларына негізделген және асқазан ісіктерін жіктеудің қолжетімді және кеңінен қолданылатын әдісі болып қала береді. Осы мақалада асқазан обырын (АО) үшін Лаурен патогистологиялық классификациясының статистикалық анализі мен прогностикалық маңызы, сондай-ақ осы аурумен ауыратын науқастардың жалпы өмір сүруін болжау үшін ең маңызды классификацияны анықтау ұсынылған.
Зерттеу мақсаты – асқазан рагының клиникалық-патологиялық сипаттамасын Лаурен классификациясы бойынша зерттеуге және асқазан обырын бар науқастардың жалпы өмір сүруін болжауға бағытталған.
Әдістері: Осы ретроспективті когорттық зерттеуде Қазақстан Республикасының 2022 жылғы 21 қарашадағы № 174 онкологиялық науқастарды диагностикалау және емдеу хаттамасына сәйкес хирургиялық ем тағайындалған кез келген дәрежедегі асқазан обыры жаңадан анықталған 18 жастан асқан және одан жоғары 161 науқастың деректері мультидиапиялық топта зерттеліп, талқыланды. Есептеу үшін SPSS.v.25 бағдарламасы қолданылды. Категориялық деректер Пирсон Х² тесті арқылы бағаланды. Зерттеу КеАҚ Марата Оспанов атындағы БҚМУ медицина орталығы базасында 2020 жылдың 01 айынан 2024 жылдың 08 айына дейінгі патоморфологиялық сипаттама негізінде жүргізілді.
Нәтижелері: Асқазан обырының 161 жағдайын талдау Лаурен классификациясының аурудың клиникалық-патологиялық сипаттамаларымен және науқастардың жалпы өмір сүруімен статистикалық маңызды өзара байланысты растайтынын көрсетті.
Диффузды рак түрі агрессивті ағыммен және нашар болжаммен байланысты болды. Ішек түрі көбінесе қолайлы прогностикалық белгілері бар науқастарда кездеседі. Пирсон Х² критерийін қолдану арқылы статистикалық өңдеу Лаурен типіне байланысты өмір
сүру бойынша топтар арасында сенімді айырмашылықтарды көрсетті.
Қорытынды: Лаурен бойынша асқазан обырын классификациялау науқастарды прогностикалық стратификациялау үшін клиникалық маңызды және сенімді құрал болып қала береді. Лаурен бойынша ісік түрі процестің агрессивтілігін және болжамды
бағалауға мүмкіндік береді, бұл терапияны негізделген таңдау мен жекелендірілген тәсілді қамтамасыз етеді.
