Брахитерапияны жаңа әдістерді енгізу мен пайдаланудың жаңа тәсілі: сапаны қамтамасыз ету үшін кешенді талдау

Аңдатпа

Өзектілігі: Ғылыми жаңалық-Gafchromic RTQA2 радиохромды қабыршағын және қалыңдығы 1 см қатты күйдегі фантомды қолдана отырып, аппликатордың айналасындағы дозаның таралуын бағалау әдісін жасау. Радиохромды пленка мен қатты күйдегі фантомдарды қолдану дозалық профильдерді егжей-тегжейлі талдауға мүмкіндік береді, әсіресе жоғары дозалы брахитерапияда үш өлшемді жоспарлау жағдайында, бұл көздердің орналасуын оңтайландыруға және емдеу дәлдігін жақсартуға мүмкіндік береді.

Зерттеу мақсаты – дозиметриялық өлшеулердің дәлдігін арттыру және брахитерапиядағы процедураларды жоспарлау сапасын жақсарту.

Әдістері: Зерттеуде Gafchromic RTQA2 радиохромды қабыршағы және полиметилметакрилаттан жасалған қатты күйдегі фантом (30х30х1см³, тығыздығы 1,05 г/см³) қолданылды. Аппликатордың айналасындағы изодоздық қисықтарды талдау үшін мынадай дозалар таңдалды: 0,6 Гр, 1 Гр, 1,7 Гр, 2 Гр, 2,5 Гр, 3 Гр және 4 Гр.

Нәтижелері: Эксперимент нәтижелері бойынша радиохромды қабыршақ сәулелену сіңірілген дозаға тура пропорционалды түрде қараңғыланатындығы анықталды. Эксперимент нәтижелері өлшенген мәндерді, жоспарлау жүйесімен салыстырғанда 4,2-10,6% ауытқуын көрсетеді. Екінші қабыршақтағы ауытқудың төмен болуы, оның аймағында дәлірек және тұрақты дозаның таралуын көрсетеді, бұл оның көзге қатысты оңтайлы орналасуымен және шашырау мен сіңіру әсерінің төмендеуімен түсіндірілуі мүмкін.

Қорытынды: "Epson Expression 10000XL" планшеттік сканерлеуді, қатты күйдегі фантомды радиохромды қабыршағымен және "ImageJ" бағдарламасын біріктіретін ұсынылған әдіс аппликатордың айналасындағы дозаның таралуын ыңғайлы және тиімді бағалауды қамтамасыз етеді. Бағдарламалық жасақтаманың көмегімен біз үш арна арқылы қашықтық пен түс деңгейлері арасындағы байланысты көрсететін графиктер жасадық. Нәтижелер аппликатордың ортасынан оның шетіне дейін изодоза профильдеріндегі түс деңгейлерінің өзгеруін көрсетеді. Изодоздық профильдер бойынша сәулелену дозасының сызбалары қашықтыққа тәуелділікті көрсетеді. RGB арналарындағы түс деңгейлерінің өзгеруі сәулеленудің тығыздығын дәл көрсетеді, бұл дозиметриялық есептеулердің визуализациясы мен валидациясын жақсартуға көмектеседі. Бұл әдіс брахитерапия үшін маңызды, өйткені ол көздердің орналасуын оңтайландыруға және сапаны сенімді бақылауды қамтамасыз ете отырып, аппликатордың айналасындағы дозаны модельдеу дәлдігін арттыруға мүмкіндік береді.