Жатыр мойны обырының фотодинамикалық терапиясы: әдебиетке шолу
DOI:
https://doi.org/10.52532/Кілт сөздер:
жатыр мойны обыры, адам папилломавирусы (АПВ), фотодинамикалық терапия (ФДТ), скамозды жасушаішілік эпителий неоплазиясыАңдатпа
Өзектілігі: Жатыр мойны обыры бүкіл әлем бойынша денсаулық сақтаудың негізгі проблемасы болып табылады, мұнда адам папилломавирусының инфекциясы қауіп факторы ретінде маңызды рөл атқарады. Фотодинамикалық терапия - бұл қалыпты емес жасушаларды іріктеп жою үшін фотосенсибилизаторлар мен жарықты пайдаланатын АПВ-мен байланысты жатыр мойны зақымдануының минималды инвазивті емі.
Зерттеудің мақсаты – жатыр мойны обырына байланысты сырқаттанушылық пен өлімді азайту үшін ФДТ-да қолданылатын молекулалардың әртүрлі түрлеріне жан-жақты шолу жасау.
Әдістері: АПВ инфекциясымен байланысты жатыр мойны обырын емдеудегі ФДТ тиімділігі мен қауіпсіздігін зерттеуге арналған барлық тиісті мақалаларға жан-жақты іздеу жүргізілді. Шолу үшін PICO көрсеткіштері анықталып, PubMed дерекқорында әдебиеттерге іздеу жүргізілді. PubMed онлайн дерекқорында кілтті сөздер тіркестерін пайдалана отырып 2013 және 2023 жылдар аралығында жатыр мойны обыры жасушаларын емдеу үшін ФДТ қолданылуына зерттеу жүргізілген 71 жұмыс анықтады.
Бұл мақалада төмен дәрежелі скамозды интраэпителиальды неоплазияны және жоғары дәрежелі скамозды интраэпителиальды зақымдануларды емдеудегі ФДТ тиімділігін зерттейтін ағымдағы клиникалық зерттеулер, сондай-ақ жатыр мойны обырында ФДТ арналған әртүрлі молекулаларды қолданатын клиникаға дейінгі тәсілдер қарастырылады.
Нәтижелері: ФДТ үшін потенциалды молекулалар сипатталып, олардың артықшылықтары мен кемшіліктері бағаланып, обырға қарсы терапиямен үйлесімділігін арттыру үшін шешімдер ұсынылды. Біздің шолуымыз көрсеткендей, ФДТ АПВ-мен байланысты жатыр мойынының зақымдануын диагностикалау және емдеу үшін перспективті терапиялық әдіс болып табылады. Сонымен қатар, біз бояғыштардың әртүрлі кластарын қолдану ФДТ-ның обырға қарсы әсерін күшейтетінін байқадық.
Қорытынды: Фуллерен және АЛК-ФДТ – жатыр мойны обырынан болатын жаһандық сырқаттанушылық пен өлімді азайтуға көмектесетін ФДТ-да интенсивті қолдану үшін әлеуетті көшбасшылар. Дегенмен, оның ұзақ мерзімді тиімділігі мен қауіпсіздігін бағалау үшін қосымша зерттеулер қажет.
