"ҚАЗОРҒЗИ" АҚ анестезиология, реанимация және қарқынды терапия бөлімшесінің 2021-2022 жылдарға арналған қызметін талдау
Кілт сөздер:
АРҚТБ, қарқынды терапия, анестезиологиялық қамтамасыз ету, анестезиологиялық асқынулар, анестезиологиялық өлім-жітімАңдатпа
Өзектілігі: «Қазақ онкология және радиология ғылыми-зерттеу институты» акционерлік қоғамының («ҚазОРҒЗИ» АҚ) Анестезиология, реанимация және қарқынды терапия бөлімшесі (АРҚТБ) – онкологиялық науқастарға көмек көрсетудің ұйымдастырылған жүйесі, онкохирургиялық операциялардың барлық түрлерін анестезиологиялық қамтамасыз етуден, операциядан кейінгі қарқынды терапиядан, онкологиялық аурулардың, рентгенологиялық және химиотерапиялық бейіндегі пациенттердің өміріне қауіп төндіретін жай-күйлерді дамыту кезіндегі қарқынды терапиядан тұрады. Сапалы көмек дәрігерлік және мейірбикелік кадрларды кәсіби даярлаудың тиісті деңгейінде, тіршілікті қамтамасыз ету және мониторинг технологияларымен, дәрі-дәрмектік заттармен және медициналық мақсаттағы бұйымдармен жеткілікті қамтамасыз етілгенде ғана мүмкін болады.
Зерттеудің мақсаты - «ҚазОРҒЗИ» АҚ онкологиялық пациенттеріне мамандандырылған анестезиологиялық және реанимациялық көмек көрсету сапасын одан әрі жақсарту мақсатында 2021-2022 жылдарға арналған АРҚТБ қызметіне талдау жасау.
Әдістері: 2021 және 2022 жылдардағы АРҚТБ клиникалық қызметінің есептік құжаттамасын талдау.
Нәтижелері: 2021-2022 жылдар кезеңінде 5517 анестезия жасалды, бұл ретте 2022 жылы анестезия саны 9,2%-ға ұлғайды, жүргізілген анестезия түрлерінің құрылымы өзгеріссіз қалады. Анестезиологиялық асқынулар 0,27% құрады, ал анестезиологиялық өлім-жітім болған жоқ. Операциядан кейінгі қарқынды терапияға түскен пациенттердің саны 2022 жылы 6%-ға төмендеді. АРҚТБ-не қайта қабылданған пациенттердің саны 2021 жылы 2,1% және 2022 жылы 2,7% құрады. Егде жастағы және кәрілік жастағы пациенттердің үлес салмағы АРҚТБ пациенттерінің жалпы санының 40%-дан астамын құрады. 40% жағдайда пациенттер жүрек-қан тамырлары жүйесінің созылмалы ауруларынан зардап шегеді. Талдау жасалған кезеңде АРҚТБ-дегі өлім-жітім 42 жағдайды құрады, олардың ішінде операциядан кейінгі – 25 жағдай, операциядан кейінгі өлім-жітім шамамен бірдей деңгейде қалды, ал ауруханалық және жалпы өлім-жітім динамикасында аздап өсім байқалды.
Қорытынды: 2021-2022 жылдарға арналған есепті құжаттаманы талдаған кезде, жүргізілген анестезиялардың саны және АРҚТБ-де емделген пациенттердің жалпы саны жыл сайын артып келе жатқаны айқын, бұл онкологиядағы анестезиология және қарқынды терапия қызметін одан әрі жетілдіруді және жаңғыртуды талап етеді.
