Гемопоэтикалық дің жасушаларын трансплантациялаудан кейін жедел миелобластикалық лейкемиямен ауыратын егде жастағы науқастың бүйрек қызметін бағалау: клиникалық жағдай
Кілт сөздер:
гемопоэтикалық дің жасушаларын трансплантациялау, сүйек кемігін трансплантациялау, жедел миелобластикалық лейкемия, бүйрек жеткіліксіздігі, клиникалық жағдай, шумақтық сүзілу жылдамдығы, асқынулар, егде жастағы науқастарАңдатпа
Өзектілігі: жедел миелобластикалық лейкозды емдеудегі бүйрек қызметі, әсіресе егде жастағы науқастарда ауыр әсерге ұшырайды. Егде жастағы пациенттерді бірқатар химиотерапиялық препараттарды қолдана отырып, ГДЖТ-ге дайындау сөзсіз бүйрек функция-сына улы әсер етеді, сонымен қатар бүйректегі инволюциялық өзгерістер бүйрек қызметін физиологиялық тұрғыдан төмендетуі мүмкін.
Зерттеудің мақсаты – ГДЖТ-тен кейінгі жедел миелобластикалық лейкемиямен ауыратын егде жастағы науқастың бүйрек қызметін бағалау болды.
Әдістері: біз аллогенді ГДЖТ жүргізілген жедел миелобластикалық лейкемиямен ауыратын егде жастағы науқастың клиникалық жағдайын ұсындық.
Нәтижелерi: біз егде жастағы науқастың жедел миелобластикалық лейкемия тіркелген сәттен бастап ГДЖТ-ден кейін +100 күнге дейінгі функционалдық жағдайының динамикасын талдадық. Бақылау кезеңінде біз егде жастағы науқаста бүйрек ауруларын анықтаған жоқпыз. Егде жастағы науқаста ГДЖТ және нефротоксикалық препараттардың әсеріне қарамастан, ГДЖТ кейін + 100 күн, бүйрек қызметі сақталды.
Қорытынды: бұл жағдай егде жастағы емделушілерде ГДЖТ-дан кейін бүйрек қызметін сақтаудың және бүйрек қызметін ұзақ уақыт бақылаудың маңыздылығын көрсетеді.
