S-Detect бағдарламалық құралы қалқанша безінің зақымдануын ультрадыбыстық диагностикалау құралы ретінде

Аңдатпа

Өзектілігі: Қалқанша безі (ҚБ) онкология саласында жиі кезедсетін эндокринологиялық мүше. Халықаралық онкологиялық зерттеулер агенттігінің (IARC) мәліметі бойынша, 2018 жылы дүние жүзінде қалқанша безінің қатерлі ісігінің 567 233 жаңа жағдайы тіркелген. IARC мәліметтері бойынша, 2018 жылы Қазақстанда 486 жаңа жағдай анықталды, бұл Азия елдеріндегі барлық жағдайлардың 1,4%-ын құрады. Қалқанша безінің қатерлі ісігі әлемде онкологиялық аурулардың жалпы құрылымында 10-шы орынды алады, қалқанша безінің қа-терлі ісігі біріншілік қатерлі ісіктердің барлық жағдайларының 3,1% құрайды. Аурудың салыстырмалы түрде төмен болуына қарамас-тан, патогенез проблемалары соңғы онжылдықтарда қалқанша безінің қатерлі ісігінің таралуының артуына байланысты өте өзекті болып табылады. Samsung Medison қалқанша безінің массаларының дифференциалды диагностикасында сезімталдықты, ерекшелікті және дәлдікті жақсарту үшін жасанды интеллект негізіндегі S-Detect енгізді.
Зерттеудің мақсаты – Қалқанша безінің массасын дифференциалды диагностикалауда S-Detect бағдарламасының мүмкіндіктерін зерттеу.
Әдістерi: Қалқанша безінде ошақты зақымдануы бар 75 науқас S-Detect бағдарламасымен жабдықталған Samsung Medison RS85 ультрадыбыстық аппаратының көмегімен қаралды; қосымша, доплерлік және доплерлік емес әдістер қолданылды.
Нәтижелері: S-Detect бағдарламасы 97% жағдайда (75 адамның 73-інде) дұрыс диагноз қоюға мүмкіндік берді, бұл морфологиялық тек-серу (гистология, цитология) нәтижелерімен расталды. Соноэластография әдісі 91% жағдайда (75 адамның 68-і) дұрыс нәтиже көрсетті.

Қорытынды: Қалқанша безді зерттеу үшін S-Detect бағдарламасын пайдалану қалқанша безінің массаларының дифференциалды диагностикасында ультрадыбыстың диагностикалық мәніне оң әсер етеді, диагностиканың сезімталдығын, ерекшелігін және дәлдігін арттырады, сонымен қатар артық биопсияларды болдырмайды.